Ugrađena teretana na otvorenom za OSI u Tološkoj šumi

Ekipe Agencije za stanovanje Glavnog grada ugradile su teretanu za vježbanje na otvorenom namijenjenu osobama sa invaliditetom u Tološkoj šumi, vrijednu preko 2.000 eura. Osim same sprave, uređena je i pristupna staza, prilagiđena OSI.

Ova sprava za osobe s invaliditetom povećava njihovu snagu i izdžljivost, vježbanjem na njoj razgibavaju se mišići i zglobovi, te se povećava fleksibilnost, ravnoteža i koordinacija ljudskog tijela, a jača se srce i plućne funkcije. Vježbanje doprinosi poboljšanju ukupnog kvaliteta života osoba s invaliditetom, čije su potrebe, nažalost, često zanemarivane.

Svi elementi ove mini teretane na otvorenom, izrađeni od metala, napravljeni su modernim postupkom u radionicama ove gradske agencije.

Uvjereni smo da će naši sugrađani, kada prođe epidemija coronavirusa, uživati i u ovom sadržaju, koji je grad za njih pripremio.

Podsjećamo, ranije je ista ovakva sprava ugrađena i u dvorištu JU Resursnog centra “1. jun” na Zabjelu.

ČISTOĆA DOO